Դպրոցում հոգեբան է պետք. Ցանկություն կա` փող չկա

Հ կրթության և գիտության նախարարությունը դեռևս անցյալ տարվանից նախատեսել էր դպրոցներում ունենալ հոգեբանի հաստիք, ինչի կարիքն անխոս զգացվում է` մանավանդ մեր օրերում:

Դպրոցներում հոգեբան ունենալու անհրաժեշտությունը Aysor-ի հետ զրույցում կարևորեց նաև ՀՀ կրթության և գիտության նախարարության Հանրակրթության վարչության պետի պաշտոնակատար Իլյա Սարգսյանը:

Նրա խոսքերով` հոգեբանի հաստիք կլինի դպրոցներում այն ժամանակ, երբ գումար լինի. ՀՀ կրթության և գիտության նախարարության գերակա խնդիրների մեջ ներառված է նաև այս հարցը:

Ըստ Ի. Սարգսյանի` դպրոցները չեն կարողանում հոգեբանի հաստիք պահել, որովհետև անհրաժեշտ գումար չունեն:

«Գումարը տրվում է դպրոցին, դպրոցը տնօրինում է իր գումարը, եթե պարտադրենք դպրոցին, կարող են ասել` գումար տվեք հոգեբանին վճարելու համար: Այլ հարց է, որ հաստիք սահմանենք և գումար նախատեսենք»,- ընդգծեց Հանրակրթության վարչության պետի պաշտոնակատարը:

«Ես երկար տարիներ դպրոցում աշխատել եմ և շատ լավ գիտեմ, որ դպրոցում հոգեբան պետք է»,- շեշտեց նա:

Հարցեր, պատասխաններ, մեկնաբանություններ